Научната соработка на Факултетот најчесто се остварува преку учество во научно- истражувачки  меѓународни  проекти,  како  и на  семинари,  конференции  и  конгреси  од меѓународен карактер. За таа цел, Факултетот активно учествува во научно-истражувачки проекти поддржани  од  меѓународни  организации  и програми: Horizon 2020, Horizon Europe, Erasmus+, UNDP, UN Women, SIDA, FAO, IAEA, SWG, JICA, USAID, GTZ, TUBITAK, UNESCO, SCOPES, TEMPUS.

На овој начин се овозможува унапредување на научното истражување, развој на образовниот процес, но и стекнување материјални ресурси за подобрување на високото образование и науката. Унапредувањето на науката и наставата се постигнува и преку предавања за пренесувања на искуства од страна на реномирани професори од првите 500 меѓународно рангирани универзитети.