Опитното поле – ФЗНХ е друштво формирано од страна на Факултетот, на кое на располагање му се дадени 74 хектари земјоделско земјиште доделено од Министерството за земјоделство, шумарство и водостопанство на Универзитетот, со намена за остварување на основната дејност на Факултетот, односно спроведување на практична и теренска настава на студентите, научно-истражувачка и апликативна работа.
Опитно поле ФЗНХ е регистриран производител за семепроизводство и расадничко производство, а во соработка со експерти од Факултетот, постојано се следи состојбата и трендот во производство на високо квалитетен саден материјал, но и во другите области на земјоделското производство, како и во делот на неформалното образование и воведувањето на новите технологии во земјоделството.